Oier Gorosabel FisioLanTaldeko zuzendariak txandaka pasatzen ditu kontsultak Markina-Xemeinen eta Ondarroako zentruetan. Batez ere esku terapiak erabiltzen ditu gure gorputz nekatuen minak arintzeko.

E. FisioLanTaldean mota guztietako pazienteak hartzen baditugu ere, ni neu kasu kronikoetan espezializatuta nago. Beste tratamenduekin mina kendu ezinda dabiltzaten pertsonak hartzen ditut, eta lana holistikoki egiten dut batez ere: sintometatik harantzago joanda, gaitzaren sustraiaren bila aritzen naiz, gorputz osoa kontuan hartuta.

E. Jende gehiena bizkarreko minarengaitik etortzen zait (hernia diskalak etabar) baina gero eta gehiago ikusten ditut erraiak: bihotza, dijestio aparatua, birikak, gibela, giltzurrunak… gorputzeko min errebelde gehienen atzean hauen desoreka txikiak egoten baitira, eta esku terapiari ondo erantzuten diote. Begiak, masail hezurra eta eztarriko arazoekin ere emaitza onak izaten ditut.  Eta buruko minekin, eta ume jaioberriekin… gauza askotan ibiltzen naiz, ikusten duzunez.

E. Teknika asko; fisioterapia titulua atera ostean hamasei urte pasa ditut kurtsoak egiten, kontu egizu… Kasua ondo aztertu egiten dut lehenengo, gero teknika egokienak aukeratzeko. Gehienetan eskuak erabiltzen ditut bakarrik, asko gustatzen baitzait lan egiteko modu hau.

Lea-Artibai eta Mutrikuko Hitza, 2009ko Zezeilla