Xabatek egindako laburpen honek nire harreta biziki piztu du, eta bere gomendioa jarraituz artikulu orijinala irakurtzera sartu naiz. Egia esan, mami askoko idazlana da: puntatik puntara eguneroko lanerako oso baliogarria, irakurterreza, eta bakoitzak –bere prestakuntzaren arabera- bere neurriko etekina ateratzeko modukoa. Horregatik, Xabaten aholkua errepikatzen dut hemen: irakur ezazue artikulu orijinala.

• TESTA, M. ROSSETTINI, G. 2016. Enhance placebo, avoid nocebo: How contextual factors affect physiotherapy outcomes. Manual Therapy aldizkaria (prentsan). http://dx.doi.org/10.1016/j.math.2016.04.006

Xabatek egindako iruzkineko puntu gehienak nik ere sinatuko nituzke, beraz ez ditut errepikatuko. Bai gehituko ditut, ostera, deigarriak egin zaizkidan beste puntu batzu:

• Plazebo eta nozebo erantzunek neurotransmisio bide bereziak darabilte. Hau da: nozeboa ez da “plazeboaren ausentzia” soila, min perzepzioa aktiboki areagotzen duen erantzun sorta baino, plazeboenaren aldean garuneko gune desberdinek kontrolatua.
• Minean bakarrik ez: autoreek plazebo/nozeboak mugikortasunean duen eragina nabaria dela diote, besteak beste hemen iruzkindutako artikulu hau
• Orokorrean, pazientearenganako hurbiltasunak eta enpatiak mesede egiten badu ere, tamainan behar du: gehiegizko konfidantzak nozeboaren eremura eraman gaitzeke.
• Esplorazio edo tratamendu teknikaren batek min eragin dezakeela iragartzeak, minaren perzepzioa areagotu dezake.
• Pazienteari bere patologia eta gure tratamenduaren eragina azaltzeak ez du bakarrik placebo efektua indartzen: artikulu honetan, berezko tratamendu modura kontsidera daitekeela dio.
• Placeboari buruz berba egitean, batzuk txarrera hartzen dute. Horregatik gustatu zait artikuloan honako hau azpimarratzea: “plazebo interbentzioa ez da engainuan edo etika faltan oinarritu behar, tratamendu eraginkorren ordez erabilita; aldiz, terapia eraginkorren eragina biderkatzeko erabiltzea etikoa da”.
• Fisioterapia arloan batzutan aipatzen den konponente “artistikoa”, berariazko terapian baino, testuinguruaren efektu honetan datzala dirudi.

Azken puntu hau garatu dezagun, beraz, profesional onak izatetik bikainak izatera pasatuz!

Fisteus blogerako, 2016ko loraillan 6xa.

Honekin zerikusixa daken artikulu gehixago

Magnetoterapia

Petrikiloengandik ikasten, radixuan

Artikulazio deskolokatuak eta muskulu korapiloak

Ereduak

GIFFORD (ed). 2000. Topical issues in pain 2.

GIFFORD, Louis (editorea). 1998. Topical issues in pain 1.

Musikarien distoniak (Rosset-Llobet et al, 2005)

Sineskerak hausten: bizkarraren postura pisuak jasotzerakoan (Caneiro et al, 2018)